ეჯაილ ტრანსფორმაცია არის მასშტაბური ორგანიზაციული პროცესი და გულისხმობს კომპანიაში ეჯაილ ღირებულებებისა და მიდგომების გაზიარებას, რასაც, საბოლოო ჯამში, მაღალეფექტიანი და საერთო მიზანზე ორიენტირებული გუნდების ჩამოყალიბებამდე მივყავართ. ტრანსფორმაციის შედეგად მცირდება პროდუქტების ბაზარზე გასვლის დრო (Time To Market), უმჯობესდება პროგროზირება და ეფექტურობა.

მოქნილი და გამართული ორგანიზაციული სტრუქტურა ორგანიზაციის წარმატების ერთ-ერთი მნიშვნელოვანი ელემენტია. კომპლექსური და ბიუროკრატიული ორგანიზაციები, ქმნიან კომპლექსურ პროდუქტებს და სერვისებს (Conway's Law), რაც ნაკლებად მიმზიდველია მომხმარებლისთვის. სწრაფად ცვალებადი გარემო და გაზრდილი კონკურენცია, ორგანიზაციებისგან მეტ მოქნილობას მოითხოვს, რაც ეფექტიანი ორგანიზაციული სტრუქტურის გარეშე შეუძლებელია. მოქნილი ორგანიზაციული სტრუქტურა ამარტივებს პასუხისმგებლობის დელეგირების პროცესს, ხელს უწყობს კოლაბორაციას სტრუქტურულ ერთეულებს შორის და აუმჯობესებს გუნდურ მუშაობას.

Lean მეთოდოლოგია ფოკუსირებულია დანაკარგების აღმოფხვრასა და პროცესების გამარტივებაზე. არსებული დანაკარგების ოპტიმიზაციის შედეგად მცირდება საოპერაციო ხარჯები. ეს შეიძლება მოიცავდეს ინვენტარის შენახვის ხარჯების შემცირებას, ტრანსპორტირების დაბალ ხარჯებს და რესურსების ოპტიმიზებულ გამოყენებას. პროცესებში დეფექტებისა და შეცდომების შემცირებით, ორგანიზაციებს შეუძლიათ გააუმჯობესონ თავიანთი პროდუქციის ან მომსახურების საერთო ხარისხი. ამ პროცესის შედეგად ასევე იზრდება მომხმარებელთა კმაყოფილება.

შესრულების მართვის მოდელი მოიცავს თანამშრომელთა კომპეტენციებისა და უნარების განვითარების გეგმებს, სამუშაოს შესრულების ეფექტურ მეტრიკებს, თანამშრომლების კარიერული გზებსა და პოზიციების დონეებს.